القصة ديالنا بدات فـ 1985، مع بابانا اللي كان واحد من الأوائل اللي بداو كايبيعو الزرابي فـ مدينة سلا. من داك الوقت وهو خدام بكل جهدو باش يرضّي الزبناء ديالو، وكيحطهم ديما فوق كلشي، حتى فوق الربح، حيث الهدف ديالو كان يوفر ليهم أحسن جودة بأقل ثمن ممكن. مع مرور السنين، جمع خبرة كبيرة وعلمنا بزاف على الصبر، الإخلاص، وكيفاش نخدمو الزبناء ديالنا بطريقة اللي كتخليهم فرحانين وراضيين ديما. ودابا جاء الدور علينا، باش نستعملو هاد التجربة اللي ورثناها من عندو، ونكمّلو نفس المسيرة، بنفس القيم وبنفس الحب للزبناء، باش نقدموا ليكم أحسن المنتجات وبأحسن الأسعار، بحال ما كان دايماً كيحلم بها بابانا.